Edukira joan

Urola Kostako Hitza

Urola Kosta
2009ko urtarrilak 9, Ostirala

Harpidetu zaitez!

Aste Berde «parte-hartzailea» antolatu du Udalak datorren asterako

Zumaia

Egitasmoa inauguratzeko ekitaldia antolatu dute astelehenerako, 19:00etan, Algorri Ezagutza Etxean

aritz mutiozabal

Datorren astelehenetik hilaren 15a bitartean ingurumena izango da herriko protagonista nagusia. Egun horietarako Aste Berdea antolatu du Zumaiako Udalak, makina bat ikastaro, film emanaldi eta hitzaldirekin. Horien berri eta, oro har, aste bereziaren inguruko xehetasunak emate aldera, Udaleko alkateorde eta Ingurumeneko zinegotzi Andoni Etxanizek eta Ingurumeneko teknikari Eli Larrañagak prentsaurrekoa eman zuten atzo eguerdian, Algorri Ezagutza Etxean.

«Ahalik eta egitarau zabalena eta parte-hartzaileena antolatzen saiatu gara. Azken finean, Aste Berdearen kolorea herritarrak dira eta kolore berde hori guztion artean marraztu behar dugu modu egoki batean. Beraz, herritarrak animatu nahiko nituzke antolatu ditugun ekitaldietan parte-hartzera», aditzera eman du Etxanizek.

Urtean zehar ere bai

Nahiz eta Aste Berdea aste batean egiten den, urtean zehar ingurumenarekin lotutako beste jarduera batzuk lantzeko asmoa du Udaleko Ingurumen Sailak. Datorren asterako antolatu duten bizikletan ibiltzeko ikastaroari jarraipena eman nahi diote, «eskaintza urtean zehar mantenduz».

Oro har, kontzientziazio kanpaina bat egin nahi dute eta, besteak beste, kontsumo gutxiko bonbillak eta permisadoreak banatu nahi dituzte, baita herriko naturguneei buruzko informazioa bildu eta zabaldu ere.

 

Bi ikastaro eta erakusketa bat



Aste Berdearen baitan, Bizikletan ibiltzen ikasteko eta Gidatze ekonomikoa ikastaroak antolatu dituzte. Lehenengoa hilaren 9tik 13ra izango da, eta egunero ordu eta erdiko saioak egingo dituzte. Ikastaro hau egiteko ordu aukera zabala izango da, 08:00etatik 21:30era, eta adin guztietako jendeari zuzenduta dago. Izena eman nahi duenak 656 728085 telefonora deitu beharko da,eta 30 euro ordaindu; Aita Mari auzoan izango da. «Bizikletaren erabilera sustatu nahi dugu herrian. Horretarako bizikletan ibiltzen ikasi behar dugu eta hau aukera polita dela iruditzen zaigu», dio Etxanizek.

Bigarrena, hilaren 14an izango da; Brankan, 10:00etatik 14:00etara. Gehienez ere 15 lagunek egin ahal izango dute ikastaroa, eta doakoa da. Izena 943 861056 telefono zenbakira deituta eta ingurugiro@zumaiakoudala.net e-postara idatzita eman daiteke. Epea gaur bukatzen da.

Bestalde, Ekainaren 2an amaitu zen Zumaia Garbia marrazki lehiaketara lanak aurkezteko epea, eta aurkeztutako lanekin erakusketa bat zabalduko dute Forondan. Marrazkiak herriko ikasleek eginak dira.



 

Egitaraua



Datorren astelehenean hasi eta hilaren 15a bitartean Aste Berdea egingo dute Zumaian. Hainbat jarduera antolatu dituzte egunotarako; astean zehar, gainera, Zumaia Garbia marrazki erakusketa izango da ikusgai Forondan.

Ekainak 9, astelehena

19:00etan. Aste Berdearen inaugurazioa, Algorri Ezagutza Etxean.

Ondoren. Film emanaldia, Algorri Ezagutza Etxean: Ni basatia naiz.

Ekainak 10, asteartea

19:00etan. Diaporama emanaldia, Algorri Ezagutza Etxean: Pangea, kontinenteetako sakonuneetara bidaia.

Ekainak 11, asteazkena

19:00etan. Film emanaldia, Algorri Etxean: Cantabrico.

Ekainak 12, osteguna

19:30ean. Argazki Rallyko sariak banatuko dituzte Algorri Ezagutza Etxean.

22:15ean. Film emanaldia, Aita Mari zinema aretoan: Tierra.

Ekainak 13, ostirala

19:00etan. Herriko natur guneei buruzko hitzaldia, Algorri Ezagutza Etxean. Hizlaria: Aldundiko Landa eta Ingurumen Garapenerako teknikari Jon Zulaika.

Ekainak 14, larunbata

10:00etatik 14:00etara. Gidatze ekonomikoa ikastaroa, Brankan.

17:00etan. Haurrei zuzendutako birziklatze ikastaroa, Basadi auzategian.

19:30ean. Film emanaldia, Aita Marin: Paisajes transformados.

Ekainak 15, igandea

19:00etan. Urpeko zinema emanaldia, Algorri Ezagutza Etxean.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

Agenda

Zinema

'Spirit' filma
ZUMAIA, Aita Mari zinema aretoan - 2009-01-09

Irteera

Ibilbide gidatuak: Zarautz eta inguruak
ZARAUTZ, Torre Luzeatik (Kale Nagusia 28) - 2009-01-10

Zure inguruko ekitaldien
berri eman

Ekitaldi guztiak ikusi »

Irudietan

AZPEITIA

San Silbestre

San Silbestre

Gehiago ikusi »

© Urola-Kostako Hedabideak S.L. - Zelai Ondo 23, 20800 - ZARAUTZ - Tel.: 943 890017
Faxa: 943 134122 - E-posta:

Internet Ehuntzen S.L.-k garatua

Urola-Kostako Hedabideak S.L.ko kideak: Artzape (Getaria), Baleike (Zumaia), Danbolin (Zestoa), Txaparro (Zarautz) eta Uztarria (Azpeitia)
Bertako Hedabideak (EKT)
eta Urola Kostako Berriak Kultur Elkartea: 58 gizarte eragile.

 

Lege Informazioa