Urola Kostako Hitza

Asteburu honetan Mutrikun jokatu diren estropadetan, Zarauzko trainerillak Gipuzkoako Trainerillen Liga irabazi du. ZAEko mutilek bi estropadak irabazi zituzten, larunbatekoa eta igandekoa; ondorioz, bederatzi puntuko aldea atera diote bigarren postuan dagoen taldeari. Gauzak horrela, eta nahiz eta oraindik Liga amaitzeko jardunaldi bat falta den, zarauztarrek Liga irabazi dutela ziur esan daiteke, jardunaldi batean gehienez zortzi puntu lortu baititzake trainerilla batek. Beraz, gainontzekoek ezinezkoa izango dute Zarauzko taldeari aurrea hartzea.

Oriorekin eta Hondarribirekin

Larunbatean laugarren jardunaldia jokatu zuten. Orio eta Zarautz parez-pare ibili ziren lehian eta hirugarren luzera iritsi zirenean hartu zuten abiada zarauztarrek. Dena den, oriotarrek ere estropada ona egin zuten.

Igandeko bosgarren jardunaldian, berriz, Zarautzek Hondarribiko trainerilla izan zuen aurrez aurre. Orduan ere, hirugarren luzea erabakiorra izan zen Zarautzek garaipena eskuratzeko. Orio, berriz, lehen ziabogan desbideratu egin zen eta ez zegokion balizan eman zuen buelta, atzera geldituz.

Azken jardunaldia datorren asteburuan jokatuko da Hondarribiko uretan.

Aulki mugikorrekoak, Orion

Trainerilletako arraunlariak Mutrikun aritu ziren bitartean, aulki mugikorreko gazteek Orion izan zuten estropada igandean. Etxekoek banakakoan, kadete eta jubenil mutiletanirabazi zuten, eta binakakoan kadete mutiletan.