Urola Kostako Hitza

getaria »

Zarautz Jauregiko indusketei buruzko erakusketa zabalik da

Abuztuaren 3tik urriaren 19a bitartean ikusi ahal izango dira Zarautz Jauregiko indusketaren emaitzak Getarian. Hain zuzen ere, Zarautz Jauregian bertan eta Kale Nagusiko Getaria 1209-2009 egitasmoko aretoan jarriko dira erakusketako materialak. Erakusketa doan da eta informazio gehiago nahi duenarentzat euskaraz, gazteleraz, ingelesez eta frantsesez idatzitako gidatxo bat egongo da eskuragarri. Erakusketa ikusteaz gain, Zarautz Jauregiko aztarnategia ere bisitatzeko aukera dago. Horretarako, bisita gidatuak antolatuko dira. Bertan parte hartzeko, aurrez egin behar da eskaria, antolatzaileek esan dutenez, gehienez 12 laguneko taldeak osatuko baitira. Euskarazko bisitak 16:30etik 17:30era egingo dira.