| « Batera jotzea | Ma kou » |
08.01.18
Atalak: Kazetaritza
Ijitoa, errumaniarra, beltza, brasildarra…
Tatiele de Sousa Neres, hogeita hiru urteko neska gaztea hil du gaur bikotekideak Iruñean. Eta biak sortzez brasildarrak direla esan digute hedabideek. Ia hedabide guztiek.
Udazkenean telefono harien kableak lapurtzen atxilotu zituztenak errumaniarrak ziren.
Oraintsu Eibarren liskar batean beste bat hil zuena ijitoa zen. Ijitoak ziren.
Gaur Iruñean bikotekideari lepoa moztu diona brasildarra zen. Brasildarrak ziren.
Gero eta hedatuagoa dago hedabide gehienetan, horrelakoetan, ustezko lapurren, erasotzaileen edota hiltzaileen sorlekua aipatzea. Baita erasotuen sorlekua aipatzea ere. Baina aipatzen denean, beti dira ijitoak, errumaniarrak, beltzak, marokoarrak, latinoak… Hori aipatuta, ez harritzeko esan nahi digute. Horiek horrelakoak egitea normala balitz bezala, denak zaku berean sartu eta horiek guztiak zibilizatu gabeko piztiak balira bezala. Hemengoek horrelakorik egingo ez balute bezala. Egingo ez bagenu bezala.
Ezkutatu egiten digute, ordea, lapurren gehiengoa, erasotzaileen gehiengoa, hiltzaileen gehiengoa, hemen sortutakoa dela, bertakoak direla, garela.
Eta kanpoan sortutako horiek ere, dagoeneko, oraintsu edo aspaldidanik, ez dakigu, baina euskal herritarrak direla.
Ustezko lapurrak, erasotzaileak edota hiltzaileak ijitoak, errumaniarrak, beltzak, marokoarrak, brasildarrak, ekuadortarrak edo dena delakoak direla aipatzeak ez dio ekarpenik egiten informazioari, eta egitekotan, etorkinen aurkako jarrerak sustatzea da egiten duen ekarpen bakarra.
Hona hemen zenbait hedabideren webguneak, gaur goizean:
· www.berria.info: “20 urte ditu biktimak, eta jatorriz brasildarra da. Eraikin kanpoan gizonezko bat topatu dute zaurituta; ustezko erasotzailea. Honek 23 urte dauzka eta bera ere Brasilgoa da sortzez”.
· www.gara.net: Tanto la víctima, T.S.N., como el presunto agresor, T.R.S., son de origen brasileño.
· www.diariovasco.com: Una mujer brasileña de 20 años, que responde a las iniciales T.S.M., ha fallecido esta madrugada en Pamplona presuntamente degollada por su pareja, quien después se ha arrojado desde una ventana. El presunto asesino, un joven brasileño de 24 años…
· www.diariodenavarra.es: Una vecina de Pamplona de 20 años de origen brasileño muere degollada por su pareja.
El presunto agresor, de 23 años y también brasileño, intentó suicidarse arrojándose desde un cuarto piso".
· www.elpais.com: Un hombre degüella a su pareja en Pamplona e intenta suicidarse. La víctima y el presunto asesino son de nacionalidad brasileña.
· www.eitb24.com: 20 urteko brasildar bat da zendutakoa (…) Ustezko hiltzailea (23 urteko brasildarra) bere buruaz beste egiten saiatu da…
· EFE agentzia: Joven brasileña muere degollada y el presunto asesino intenta suicidarse.
Iñigo Aranbarrik aspaldi idatzi zuen honi buruz Hizlandian, tesi argi batekin: “zaila zaigu emigrazio mota bat delinkuentziarekin ez lotzea".
Permalink-a10 erantzun
Azkenaldian horrelakoak besterik ez ditiagu entzuten hedabideetan eta hori da sinistarazten digutena. Okerrena da euskal gizartearen artean ere sentimendu hori badela. Alegia, "hemengo jendeak ez dik horrelakorik egiten!" edo "Kanpokoak izan behar..."
Baina oker gaude! Hemen ere horrelako jendea bada, toki guztietan da. Badirudi aita euskaldun batek ez duela sekula bere alaba bortxatuko edo euskaldun batek ez duela sekula bere bikotekidea jipoituko. Ba oker gaude, horrelako kasuak ez dira "Madrildik behera" (egun batean nire inguruko bati entzun nion bezala...) gertatzen soilik, hemen, Euskal Herrian ere gertatzen dira egunero horrelako kasuak!
Ez gaitezen itsuak izan!!!
"Gai honen harira, badiat zalantza bat.
Lehenik, garbi utzi nahi nikek egunkari orokorrak eta gurea bezalako eskualdekoak bereizi egin beharko liratekeela. Nik behintzat bereizten dizkiat.
Horren ildotik, ez diat logikoa eta bidezkoa iruditzen behean aipatzen duan kontua Berria batean, edo informazio orokorreko egunkari batean: ez likek izan behar notizia nongoa den ustezko ekintzailea.
Eskualdekoetan, ordea, ez diat hain garbi ikusten. Gertuagokoa duk albistea, azken batean denok "ezagutzen" diagu elkar, denek zekitek herri bakoitzeko egoera, errealitatea. Uste diat informazioa zehazte aldera jarri beharko litzatekeela erasotzailearen berri, dena delakoa izanda. Ez baituk berdina Segura batean eraso bat gertatu, eta ez aipatzea erasotzailea nongoa den. Eta ez nauk ari marokoarra denean soilik jartzea, baizik idiazabaldarra baldin bada, eta hori jartzen ez badiagu, marokoarrei lepora dakiekeen gertakari bihur zitekek inkoszienteki, jendeak pentsa dezakeen edozein akusazio faltsu uxatzeko modu bat izan zitekek.
Zer deritzok? Bazekiat gai arantzatsua dela, eta Aranbarriren Hizlandian behin baino gehiagotan ekiten diola horren kontra. Baina gure errealitatea (tokiko hedabideena alegia), oraindik konplexuagoa ez ote den...".
Erantzun diot, ulertzen dudala zalantza, baina oso ezberdina iruditzen zaidala Seguran norbait hil duen hiltzailea zarauztarra edo idiazabaldarra dela esatea (hori zehaztea informazioa ematea delakoan nago) edota hiltzailea marokoarra, ijitoa edota errumaniarra dela esatea (hor zalantza handia dut).
Izan ere, arazoa Aranbarrik hitz gutxirekin argi esaten duen hori da: "zaila zaigu emigrazio mota bat delinkuentziarekin ez lotzea". Zarauztarra, idiazabaldarra, suitzarra edota finlandiarra ez ditugu lotzen delinkuentziarekin, baina beste zenbait hitzen erabilerarekin adi ibili behar dugu, informazioa ematearen eta emigrazio mota bat susmopean jartzearen arteko muga labainegia baita.
"Aspaldiko El País batetik ekarri diat artikulua. Ona duk,
El defensor del lector delakoak irakurketa polita egiten dik:
Delito y nacionalidad.
Igual balioko dik iritzia osatzeko".
Artikulu interesgarria da, zinez.
Bertatik, zerbait nabarmentzekotan, honakoa:
"Destacar en una información circunstancias poco relevantes es una mala práctica periodística, pero si lo que se subraya es la nacionalidad del autor o autores de hechos negativos se contribuye además a consolidar estereotipos peligrosos".
uste bakarreko blogak, baina erabat ados nagok
hirekin. Horrelako kazetaritza motak etorkinen
aurkako jarrerak areagotu baino ez dizkik egiten
nire iritziz ere.
Portzierto, beldurtuta nago azkenaldian gure
artean somatu ditudan jarrera arrazista piloarekin.
Akaso izango da ni mugitzen naizen giroa halakoxea dela, baina etorkinei buruzko komentario arrazista mordoa entzuten dut lagunartean (ustez, jende
"normala" deitzen den hoien artean; gaztea,
zuria, euskalduna).
Kezkatzen hasi behar ote dugu?
Interesgarria, dudarik gabe.
Norbaitek gidaliburua eskuratu nahi izanez gero, hemendik jaitsi dezake.
gaur [2008-02-05] arratsaldean:
"Dominicano mata a balazos a esposa española en el nordeste del país".
Mezu honentzako erantzunak itxita daude.Erantzun
