Futbolsofatzen

Xabier Azkargorta azpeitiarra aspertu da, nonbait, entrenatu gabe. Berriro ere aulkietako lanera itzultzeko gogoz dago. Halaxe dio AS Espainiako egunkarian egin dioten elkarrizketa digitalean. Realean lanik ez duela egingo ere esaten du. Badiolak eskaini diola batzorde bateko aholkulari izateko, baina ezetz erantzun diola.
Hemen dago elkarrizketa osoa. Lau ataletan banatuta dago, eta hau azkenekoa da:
http://www.as.com/edigitales/entrevista/Xabier-Azkargorta-3296?encuentro=3296&docPage=6&ordenacion=&base=18

Futboleko ordezkariak eliteko futboletik kanpo ere badaude. Ase ezinak dira, nonbait, eta jan beharraren jan beharraz, etxe ondoan azaldu zaizkigu berriki. Janari bila. Jokalari bila. Duela egun batzuk, eskualdeko futbol talde bateko zenbait jokalariri deika aritu dira hainbat ordezkari. Datorren denboraldian beste talde batzuetan jokatzeko gogoa duten galdetu diete. Beraiek aurkituko dietela taldea.