Futbolsofatzen

Valentziako garaipen handiak aspaldian Bilbotik urrunduta zebilen ilusioa ekarrarazi du berriro. Taldearen jokoa asko hobetu dela diote denek, eta aldaketa horretan jokalari baten lana nabarmendu dute: Yesterena. Ados nago ni ere. Baina ezkutuko lana egiten duten beste jokalari batzuk ere nabarmendu nahi ditut. Isilean aritzen dira beti. Isilik egoten dira ondo jokatzean, eta isildu egiten dituzte gaizki jokatzean. Onean eta txarrean, ordea, beti lanean. Gabilondo, Llorente eta Koikili dira jokalari horietako batzuk. Partidak jokatu ahala, haien maila gorantz doa, eta taldeak majo eskertzen du hori.
Yesteren magiak eta beste batzuen goranzko lanak uztartuta jarraitzen badute, ilusioa egunak pasatzen geldituko da Bilbon. Berak ere horixe nahi du, eta maleta handiarekin etorri da.