Artzape, getariarron topagunea

Datorren igandean, abenduaren 16an, herriko haurrek, Musika Bandak, Getariako Abesbatzak eta Gazte Alaiak Txistulari taldeak, Gabonetako Kantaldia eskainiko dute Salbatore Deunaren elizan eguerdiko 12:30ean.

Nahiz eta Santo Tomas eguna abenduaren 21ean izan, Getarian zertxobait aurreratuko da ospakizuna; horrenbestez, Gure Txeruk antolatuta eta Gaztelekuko gazteen partaidetzarekin, larunbat honetan, abenduak 15, Santo Tomas eguna ospatuko da: eguerdian, txorixo jana, taloak, musika… izango da, eta arratsaldean aldiz, gaztain erreak dastatzeko aukera paregabea.

Arrantzale Zaharren Elkarteak Santa Luzi azokara irteera antolatu du datorren abenduaren 13rako (goizeko 09:30ean); azoka bisitatu eta gero, Azpeitiko Kiruri Jatetxean egingo dute parada bazkaltzeko. Ondoren, Loiola eta Azpeitin ibiltzeko aukera izango da.