Urola Kostako Hitza

›› egitura politikoa

Estatutu berriak orain onartu dituzte baina indarrean datozen udal hauteskundeak egin ondoren sartuko dira, ordezkari politiko berriekin.

*Batzar Orokorra. Bost udalerritako 65 zinegotzik osatzen dute.

*Lehendakaria. Batzar orokorrak aukertzen du zinegotzi guztien artean.

*Lehendakariordea. Batzar orokorrak pertsona bakar bat aukeratuko du
Batzorde Exekutiboko 15 ordezkarien artetik (aldaketak aztertzen hasterakoan, batzuek lehendakariari eman nahi zioten bere ordezkoa eskuz hautatzeko eskumena. Baina azkenean legeak ez du aukerarik ematen horretarako) . Estatutu zaharretan hiru lehendakariorde zeuden eta edozein zinegotzi aukeratu zezaketen posturako.

*Batzorde Exekutiboa
Helburua. Mementoan mementoko erabakiak hartzea, Batzar Orokorrarentzat urteko proiektu, aurrekontu eta egitasmo nagusiak utziz. Estatutuak aldatuta, Batzorde Exekutiboak eskumen gehiago izango ditu lehen baino.
Osaera. Udalerri bakoitzetik dagokion ordezkari kopurua aukeratzen da hauteskundeetako D´Hont legearen arabera. Dena den, negoziazio politikoak baldin badaude onartu egingo dira:
-0tik 6.000 biztanlera, 2 kide.
-6.000tik 12.000ra, 3 kide.
-12.000tik 18.000, 4 kide.
-18.000 baino gehiago, 5 kide.

Ordezkartzak herrika.
Aia: 2 kide.
Getaria: 2 kide.
Orio: 2 kide.
Zumaia: 3 kide.
Zarautz: 5 kide.