Urola Kostako Hitza

Udalak antolatutako Herri Jaien baitan Bikotezka Goitibehera Txapelketa jokatu da Aitzarako bidean. Irabazleak, Asier Epelde eta Iraitz Olariaga izan dira. Sei bikotek parte hartu dute txapelketan eta Euskal Herriko 2007ko goitibeherako txapelduna den Iñigo Garciak erakustaldia ere egin du. Horrez gainera, monopatinetan etzanda jaisten direnak ikusteko aukera ere izan da. 1,2 kilometroko ibilbidea zuten prestatuta antolatzaileek eta hiru jaitsiera egin dituzte: bat probakoa eta beste biak puntuagarriak. Erakustaldia egitera joandako neska batek min hartu du eta anbulantzian eraman dute Donostiako ospitalera. Gaur, larunbata, arratsalderako antolatuta zuten Futbito Txapelketa bertan behera utzi dute antolatzaileek: "Parte hartzeko izena emanda zutenak Eskola Kiroleko Txapelketara eta Anaitasunaren partidara joango direlako".

HERRI JAIETAKO EGITARAUA:

Gaur, maiatzak 17
18:00etan, Trenbidearen Zumardaian, 680 kiloko Sokatira Txapelketa: Getxo-Gaztedi-Goierri-areso, Mutriku.
- 23:00etan, Herriko Enparantzan, Rock kontzertua. Nancys Rubias.

Bihar, maiatzak 18
-09:00etatik aurrera, Trenbidearen Zumardian, Txori Abeslarien lehiaketa.
-Ikurrinaren Plazan, txahal errea.
- Plazan, Azoka berezia.
- Goiko Losan, Haur Parkea.
- Azkoitiko Dultzaineroak
- Iraurgi Abesbatza eta Zumaiko San Pedro Abesbatza, goizean, kalean zehar.
-12:00etatik aurrera, Txahal eta sagardo dastaketa.
-13:00etan, Kontzejupean, Bizkargi Musika Eskolako IX. Taldez Talde emanaldia, Banda Txikia eta Saxofoi taldeekin.