Urola Kostako Hitza

ZARAUTZ

2008-05-15 | 11:54:38

III. Aste Solidarioak haurrak izango ditu ardatz nagusi

Gaur arratsaldean hasiko dira ekitaldiekin eta datorren larunbatean izango da jaialdi nagusia

Gobernuz kanpoko 14 erakunde elkartu, eta aurten ere Aste Solidarioa antolatu dute. Aste osoa iraungo duen ekimen hau antolatzen duten hirugarren urtea da eta atzo aurkeztu zuten Antoniano aretoan. Bertan izan ziren elkarteetako ordezkariak eta aurten indar bereziz haurren eskubideak landuko dituztela adierazi zuten. Behar larria duten haurrei elkartasuna erakusteko Zarauztar 1 euro 1 kanpaina jarriko dute abian eta bildutako diru guztia Rabaten (Marokko) dagoen Layamerien izeneko umezurztegira bideratuko dute.

• EGITARAUA OSORIK

11 erantzun

ZUMAIA

2008-05-15 | 10:23:55

Turismo bulegoak Kalitatezko Q Ziurtagiria jaso du

Euskal Autonomia Erkidegoan 13 dira ziurtagiria duten bulegoak

Zumaiako Udalaka jakitera eman duenez, joan den martxoaren 27an Kalitatezko Q Ziurtagiria jaso zuen Turismo bulegoak; honakoa kalitatean oinarritutako kudeaketa sistema bermatzen duen agiria da. Ziurtagiria Espainiako Turismo Arloko Kalitaterako Institutuak banatzen du eta Espainiar Estatuan 41 bulegok baino ez dute jaso; Euskal Autonomia Erkidegoan 13 bulegok dute. Zumaiako Turismo Bulegoko arduradunen hitzetan, ziurtagiri honek eguneroko eginkizunak “modu azkarragoan eta eraginkorragoan lan egiten lagundu digu. Bezeroek, behar bada, hobekuntzak ez dituzte fisikoki ikusiko, barruko funtzionamendua hobetzeko tresna delako, baina nabarituko dituzte”.

Ez du erantzunik

ZARAUTZ

2008-05-14 | 16:09:36

Lehen aldiz Literatur Astea antolatu du Azken Portuko Jai Batzordeak

Euskal idazle ezagunek hartuko dute parte datorren astelehenean hasiko

Festa giroko ekitaldiak albo batera utzi gabe, kulturari estu-estu lotutako jardunaldiak antolatu nahi izan ditu oraingoan Azken Portuko Jai Batzordeak. Datorren astelehenean hasi eta lau egunez, Literatur Asteaz gozatzeko aukera izango da Azken Portun. Gisa honetako ekimen bat antolatzen duten lehen aldia da, baina ez da horregatik maila eskasekoa izango. Maiatzaren 22a bitartean, euskal literaturako izen ezagunak ariko baitira beraien esperientziatik hizketan: Anjel Lertxundi, Hasier Etxeberria, Harkaitz Cano, Koldo Izagirre eta Jose Luis Otamendi.

• EGITARAUA OSORIK

Erantzun 1

AZPEITIA

2008-05-14 | 16:01:15

"Palestinari elkartasuna" adierazteko elkarretaratzea egingo dute bihar, osteguna

Maiatzaren 15ean beteko dira 60 urte Israelgo Estatua sortu eta "Palestinaren kontrako sarraskia" hasi zela

[Uztarria.com] "Palestinari elkartasuna" adierazteko elkarretaratzera deitu dute hainbat herritarrek. Maiatzaren 15ean, ostegunean, beteko dira 60 urte Israelgo Estatua sortu eta "Palestinaren kontrako sarraskia" hasi zela. Urteurren horren harira egingo dute kontzentrazioa. Ostegunean izango da, 20:00etan, plazan. Ekimenaren antolatzaileen arabera, "datorren maiatzaren 15ean Palestinako biztanleek beraien historian izandako egunik gogorrenetako bat gogoratuko dute". Azaldu dutenez, "egun horri 1948ko maiatzaren 15ari, Nakba (Hondamendia) deitzen diote palestinarrek. Egun horretan 800.000 palestinarrek euren etxe eta lurrak utzi behar izan zituzten sionistek bultzatutako garbiketa etnikotik ihesean".

Ez du erantzunik

AIZARNAZABAL

2008-05-14 | 15:47:28

‘I. Uztarri Motzeko Proba’ antolatu du AIPEk

Lau egunetan zehar inguruko herrietako eta auzoetako partehartzaileak jardungo dira txapelketa jokatzen

Idi proba zaleen bilgune izango da asteburu honetan Aizarnazabal. Maiatzaren 16an hasi eta lau egunetan zehar 'I. Uztarri Motzeko Proba' egingo baita herriko plazan. Herrian jokatzen diren proba guztien moduan, astebukaerakoa ere Aizarnazabalgo Idi Proba Elkarteak antolatu du; idi bakarrarekin jokatuz antolatzen duten lehen aldia izango da aurtengoa

Ez du erantzunik

ZUMAIA

2008-05-14 | 12:36:07

Llavoriren bi argazki saritu dituzte Aqüeducte bienalean

'Irulea' lanak urrezko domina jaso du eta 'Molly' erretratuak, berriz, aipamen berezia

Juan Ramon Llavori argazkilari zumaiarraren bi argazki saritu dituzte Cerdanyola del Valleseko (Herrialde Katalanak) Aqüeducte X. Nazioarteko Argazkilaritza Bienalean. Alde batetik, Photographic Society of America elkarteak urrezko domina eman dio 'Irulea' lanagatik; bertan, emakume tibetar bat ageri da haria lantzen. Eta bestetik, Argazkilari Artisten Nazioarteko Federazioaren eskutik aipamen berezia jaso du, zuri-beltzeko 'Molly' erretratu digitalagatik.

Ez du erantzunik

AZKOITIA

2008-05-13 | 16:44:40

Ekainaren 1ean egingo da Jokin Ormaetxea IV. Klasika Zikloturista

Bi ibilbide izango dira aukeran: 73 kilometroko laburra, eta 120ko luzea

Jokin Ormaetxea Txirrindulari Elkarteak laugarren urtez jarraian antolatu du Azkoitiko txirrindularia zenaren oroimenezko proba, Raka Maraton Elkarteko eta Azkoitiko Triatloi Taldeko kideen laguntzarekin. Gipuzkoako Challenge-rako puntuagarria da proba. Izena emateko aukera zabalik da, internet bidez (www.euskalnet.net/jokinormaetxea). Txirrindulariek egunean bertan ere izena eman dezakete. Martitten bukatuko da lasterketa. Bertako jatetxean egingo dute lagunarteko bazkaria eta oparien zozketa.

Ez du erantzunik

ZARAUTZ

2008-05-13 | 10:52:49

Txabarrik EAJko auzitegira eraman du Egibar

Gipuzkoako ahaldun nagusi ohiari alderdia uzteko eskatu dio herrialdeko EAJko batzarrak, Jauregiren auzia dela-eta.

Joxe Joan Gonzalez Txabarri Gipuzkoako diputatu nagusi ohiak EAJko auzitegi nazionalean Joseba Egibar EAJko Gipuzku Buru Batzarreko (GBB) lehendakariaren kontrako salaketa sartu zuen joan den ostiralean, gaur jakin denez. Hain zuzen, Jon Jauregiren auzia dela-eta Txabarriri alderdia uzteko eskatu zion apirilaren 11n Gipuzkoako EAJko Lurralde Batzarrak, auzian hartan "alderdiaren aurka aritu zelako".

3 erantzun