Urola Kostako Hitza

AZKOITIA

2008-10-06 | 16:46:18

Azkoitian ospatuko da Landa Eremuko Emakumeen Nazioarteko Eguna

Urriaren 15ean gaiari buruzko jardunaldia egingo da, Baztartxo antzokian

Azkoitian ospatuko da datorren urriaren 15ean Landa Eremuko Emakumeen V. Nazioarteko Eguna. Emakumeek mundu osoan egiten duten lana nabarmentzea, publikoki ospatzea, eta landa eremuko emakumeek egiten duten lanaren aitorpen soziala bultzatzea dira ekitaldiaren helburuak. Landa Eremuko Emakumeen Elkarteak antolatu du eguna eta Eusko Jaurlaritzako Nekazaritza, Arrantza eta Elikadura Sailak sustatu du. Baztartxo antzokia izango da Landa Emakumeen Nazioarteko Eguneko jardunaldien topagunea. Erakunde pribatu nahiz publikoetako hainbat hizlarik parte hartuko dute hausnarketa saioetan. Emakumeak nola tratatzen diren landa eremuaren inguruko legerian eta plangintzetan, bizi duten egoerari buruzko datuak eta jabekuntza ekonomiko zein soziala ahalbidetzeko esperientzia praktikoak aztertuko dira bertan.

• EGITARAUA

Ez du erantzunik

ZARAUTZ

2008-10-06 | 12:58:14

Kike Lopez asturiarra izango da ZAEko entrenatzaile berria

Antxon Illarramendi lehendakariaren hitzetan, "ziklo bat betetzeko asmoz" etorri da Zarauzko arraunlari taldea gidatzera

Jose Ramon Mendizabal entrenatzaileak utzitako hutsunea aurrerantzean Kike Lopez asturiarrak beteko du ZAEn. Eguerdian egin dute aurkezpen ekitaldia eta ZAEko lehendakari Antxon Illarramendik taldeko elastikoa jantzi dio Lopezi. Illarramendiren hitzetan, "ziklo bat betetzera" etorri da asturiarra eta bertan urte batzuk egitea da hasierako asmoa. Entrenatzaile lanez gain, arraunean ere jardungo du 1986az geroztik arraun munduan sartuta dabilen Lopezek. Orain arte Laredon ibili da entrenatzaile eta arraunlari lanetan, eta aurretik Castropol, Astillero eta Orio taldeak pasatu ditu.

2 erantzun

ZESTOA

2008-10-06 | 12:05:46

Grises Sueños taldea lan berria prestatzen ari da

Bederatzi abestiz osatutako lana abenduan ateratzea espero dute

Grises Sueños talde zestoarra bere lan berria prestatzen ari da azken egunotan. Bederatzi abestiz osaturiko lana izango da eta abendu amaierarako prest egongo dela uste dute. Azpeitiko "Lobo Studios" eta Donostiako "Doctor Master" estudioetan grabatuko dute.

Ez du erantzunik

ZUMAIA

2008-10-06 | 11:37:19

Iñaki Osa Goikoetxeak irabazi du Zesta-Puntako Bakarkako Munduko Zirkuitua

30-21 gailendu zitzaion zumaiarra Eric Irastorzari Master Jai enpresak antolatutako txapelketaren finalean

Iñaki Osa Goikoetxeak beste garaipen bat eskuratu zuen larunbatean. Master Jaik antolatuta, Zesta-puntako Munduko Zirkuitua jokatzen ari dira azken egunotan, eta bakarkakoan larunbatean izan zen finala. Zumaiarra nagusitu zitzaion Eric Irastorzari 30-21 emaitzarekin. Orain binakako txapelketa hasiko da, eta Osa Goikoetxeak bertan parte hartuko badu ere, aurtengoan ez du Gotzon Enbil bikotekide izango; Goikoetxeak Cisneros izango du lagun eta Enbilek, berriz, Zelaiarekin jokatuko du. Bihar HITZAko paperezko edizioan osorik irakurri ahal izango da Iñaki Osa Goikoetxeari egindako elkarrizketa.

Ez du erantzunik

GETARIA

2008-10-03 | 19:32:08

Getaria eta Zumaia arteko errepidean haitzak erori dira, eta auto istripua eragin du

Une hauetan auto gutxi batzuk pilatu dira eta trafikoa Ertzaintza kontrolatzen ari da

Getaria eta Zumaia arteko N-634 errepidean haitzak erori dira bidera, 19:00ak aldera, Gaztetapeko hondartza pasatu eta berehala. Antza denez, gertatutakoak bi auto kaltetu ditu. Une hauetan auto gutxi batzuk pilatu dira eremu horretan, eta trafikoa Ertzaintza kontrolatzen ari da.

Ez du erantzunik

ZESTOA

2008-10-03 | 18:53:04

Toponimia logikoari segika

Zestoako Euskara Aholku Batzordeak herriko tokien jatorri-izenak berreskuratu nahi ditu, modu horretan arau toponimiko logikoei jarraituz sortzeko kale antolaketa berria

Zestoako Euskara Aholku Batzordeak duela ia hamarkada batetik atzeratzen joan den gai bati heldu dio: herriko toponimoen normalizazioaren gaiari, hain zuzen. Helbura herriko eta inguruetako plano erreal, zehatz eta bateratua sortzea da. Izan ere, hainbat izen gaizki agertzen dira zenbait lekutan, beste zenbait normalizatu gabe daude eta kasu askotan izen desegokiak agertzen dira.

Ez du erantzunik

AZKOITIA

2008-10-03 | 16:45:22

Bizkargi Musika Eskolak logotipo lehiaketa egingo du ikasleen artean

Ikastetxeak 25 urte bete ditu aurten eta irudi berriaren bila dabil

Bizkargi Musika Eskolak 25 urte betetzen ditu 2008-2009 ikasturte honetan. Urtemuga borobila ospatzeko, irudia aldatu eta berritu nahi du ikastetxeak eta horretarako logotipo lehiaketa antolatu du. Ikasturtean zehar hainbat ekimen antolatzeko asmoa dute Bizkargikoek eta horiei guztiei irudi aldetik jarraitasun bat emateko helburuarekin ikasleen artean lehiaketa zabaldu dute. Sortu zenetik, Bikargi Musika Eskolak Barriketako iturriaren irudia erabili du logotipotzat. Lehiaketari esker aukeratuko duten irudiak aurrekoa izango du oinarritzat, baina kolore eta bizitasun gehiago izatea nahi dute. Horretarako, ikasleek marrazki orijinal bat aurkeztu beharko dute, edozein formatutan. Sariketako irabazleak urteko matrikulazioa eta kuotak doan izango ditu. Urriaren 20a arte zabaldu dute lanak aurkezteko epea. Gaitzizen batekin sinatu behar dira logotipoak eta musika eskolako bulegoan utzi. Horiekin batera, aparteko kartazal bat aurkeztu behar da egilearen datuak (izen-abizenak eta harremanetarako telefonoa), bertan idatzita daudela.

• Anjel Lertxundi: «Gatazkaren azaleko ikuspegia baino sakonagora joaten saiatu behar du idazleak»

Ez du erantzunik

ZARAUTZ

2008-10-03 | 16:42:33

100 lagunetik gora joan dira 'Zorion perfektua' filmako kastinera

Urriaren 13an hasiko dira filmatzen Anjel Lertxundiren liburuan oinarritutako istorioa

«Begiratu kamerari. Egin irribarre. Klik! Jarri albozka eta mugitu sorbaldak. Klik! Kito. Hurrengoa». Kiko Jauregi argazki kamera eskuan hartuta eta Binahi agentziako beste bi kide datuak hartzen, Zorion perfektua filman jardungo duten estrak aukeratzeko kastina egin dute gaur Zarautzen. Anjel Lertxundiren liburuan oinarritutako filma urriaren 13an hasiko dira filmatzen Donostian, eta zati esanguratsu bat Zarautzen bertan grabatuko dute. Javier Elortegik zuzenduko du filma, Pausoka ekoiztetxearekin. Estrak aukeratzeko lana, ordea, Binahi agentziari esleitu diote eta beraiek dabiltza gaur Gaztelekuan. Guztira, 100 lagunetik gora izango dira gaur probak egiten eta interesa dutenek oraindik 688 644414 telefonora deitu dezake.

Ez du erantzunik